کیسے کہوں تم اپنے ہو

ان دیکھے سپنے ہو

کیسے کہوں تم اپنے ہو

لمحوں میں سب جان بھی لوں

سچ تم کو مان بھی لوں

جو بھی وعدے ہیں یا قسمیں ہیں

پر دنیا کی اپنی رسمیں ہیں

تمہی کہو اب تنہا کیسے

دنیا سے لڑ پاؤں گا میں

ان دیکھے خواب سہارے تو

جگ سے ہر جاؤں گا میں

'یہ رسمیں وعدے کچھ بھی نہیں

ہجر و وصال کی راتیں کچھ بھی نہیں'

ہاں ٹھیک ہے تم جو کہتے ہو

پر دنیا کی پیارے، ریت نرالی ہے

تم خواب نگر میں رہتے ہو

سچ ہو جھوٹ ہو کیا ہو ، معلوم نہیں

حقیقت ہو یا قصہ ہو، معلوم نہیں

ان دیکھے سے سپنے ہو،

کیسے کہوں تم اپنے ہو

un dekhay sapnay ho

kese kahun tum apne ho

lamhon mein sab jaan bhi loon

sach tum ko maan bhi loon

jo bhi waaday hain ya qasmen hain

per duniya ki apni rasmen hain

tumhi kaho ab tanha kese

duniya se larr paon ga mein

un dekhay khwab sahary to

jugg se har jaon ga mein

'ye rasmen waday kuch bhi nahi

hijr o wasal ki raaten kuch bhi nahi'

haan theek hai jo tum kehtay ho

tum khawab nagar mein rehtay ho

sach ho jhoot ho kya ho maloom nahi

haqeeqat ho ya qissa ho maloom nahi

un dekhay se sapnay ho,

kesay kahun tum apnay ho

نظم | زندگی

تجھ سے بچھڑا تو یوں لگتا تھا

جیسے زندگی ہی تمام ہوئی ہے

تیرے چہرے کی ضو نہ رہی

تو زندگی کی شام ہوئی ہے

میں سوچتا تھا، تکمیلِ آرذو نہیں

 تو زندگی کسی کام کی نہیں

مگر اب یہ مجھکو احساس ہوا ہے

خوابوں کے جزیروں سے پرے بھی

زیست کا نشاں ہے

آباد حقیقت کا اک جہاں ہے

وہ جنکے خواب ٹوٹتے ہیں

اوروں کیلئے، تعبیریں ڈھونڈتے ہیں

ہاں میں خوش نہیں مگر اے زندگی

 تیرا احساں مند ضرور ہوں

تیری بے رخی نے سہی

لغزشوں  کا قرض چکا دیا

جینے کا مجھے، قرینہ سکھا دیا!

ترکِ مراسم

صبحیں بھی وہی، ہے شام بھی وہی
کاروبارِ ہستی بھی، زیست کا ہنگام بھی وہی
غمِ ہستی بھی وہی، دردِ انجام بھی وہی
ہم بھی وہی، تلخیء ایام بھی وہی
ہاں مگر تم سے بچھڑ کر اب ہر پل
دل بوجھل بوجھل رہتا ہے
اور سچ بھی ہے کہ جیتے جیتے
مرنا کس کو اچھا لگتا ہے
پر سچ سنتی ہو تو دیکھو
مجھ سے بچھڑ کر تم خوش ہو
اور دل کی کہوں تو جاناں
اپنی خواہش سے بھی زیادہ
ہنستا کھلتا چہرہ تمھارا
مجھ کو اچھا لگتا ہے

subhen bhi wohi, shaam bhi wohi

karobar-e-hasti bhi, zeest ka hangaam bhi wohi

gham-e-hasti bhi wohi, dard-e-anjaam bhi wohi

hum bhi wohi, talkhiy-e-ayyam bhi wohi

haan magar tumse bicchhar ker ab har pal

dil bojhal bojhal rehta hai

aur sach bhi hai ke jeetay jeetay

marna kisko acha lagta hai

per sach sunti ho to dekho

mujhse bicchar ker tum khush ho

aur dil ki kahun to janaan

apni khawahish se bhi ziada

hansta khilta chehra tumhara

mujh ko acha lagta hai

اداس ہونے کا یہ موسم نہیں ہے

ابھی تو مرحلے اور بھی ہیں کٹھن کئی
اداس   ہونے   کا  یہ  موسم  نہیں  ہے
زمانے  بھر  کے  غم   ہیں  دامن  گیر
ہر  چند   اک   تیرا    غم    نہیں   ہے
کیا  بچھڑنے والے کی یاد  میں کڑھنا
کسی  کا  بھی ساتھ یہاں  پیہم نہیں ہے
شاید تو نے بھی فراموش کردیا مجھے
گریہ  میں  آج  وہ  لذت  غم  نہیں  ہے

abhi to marhaly aur bhi hain kathin kai

udaas honay ka ye mausam nahi hai

zamany bhar ke ghum hain daman gir

har chand ik tera ghum nahi hai

kya biccharny wale ki yaad mein kurrhna

kisi ka bhi sath yahan peham nahi hai

shayad tu ne bhi faramosh ker dia mujhe

girya mein aaj wo lazzat e ghum nahi hai

غزل | عمر بھر یونہی مجھے چاہتے رہنا

جیسے    اب    چاہتے    ہو    بے    سبب

عمر   بھر   یونہی   مجھے   چاہتے   رہنا

وقت   اک   سا    نہیں   رہتا  ،  پھر   بھی

عہد   جو   کیا   ہے  ،   وہ   نباہتے   رہنا

دل  ہے  کہ  دربار  شاہی  کا  وزیر کوئی

ہر  اک  ادا  کو  بے  وجہ   سراہتے  رہنا

وحشت   مقتل   نہیں  ,  توہین  محبت  ہے

ذرا  سی   چوٹ   کھا   کر  کراہتے  رہنا

ہم   ,   آشفتہ   سروں    کا  ,  کیا    کہئے

ضرب کھا کہ بھی دست قتل سراہتے رہنا

Jese ab chahte ho bey sabab

umr bhar yunhi mujhe chahty rehna

waqt ik sa nahi rehta phir bhi

ehad jo kiya hai, woh nibahty rehna

dil hai ke darbar-e-shahi ka wazir koi

har ik ada ko bey wajah sarahty rehna

wehshat-e-maqtal nahi, toheen e mohabbat hai

zara si chhot khaa ker karahty rehna

hum, ashufta sarun ka kya kahiye,

zarb khaa ke bhi dast-e-qatil sarahty rehna

نظم | کوئٹہ

گرد گرد منظر ہیں

زرد زرد چہرے ہیں

دیوار و در سے بے جھجک

افتادگی عیاں ہے

میرے شہر میں لوگ اب

اپنے سائے سے بھی ڈرتے ہیں

مسکراہٹیں ندارد ، اب تو

بات بھی احتیاط سے کرتے ہیں

بین کرتی ماوں کی صدائیں

روز کا منظر بن چکی

نفرتیں سرایت ہیں چار سو

پنڈی سے کوئٹہ، خیبر سے کراچی

بے سمت ہو چکا ہے قافلہ

غپر اٹھائے پھرتا ہے علم

اوروں کی خاطر میں نے 

خود اپنے سر کئے قلم

میرا راہبر ہی راہزن نکلا

کہوں کس سے داستان  الم

مفت ملتی ہے جو سر بازار 

خدایا تیری دنیا میں  اب

!...وہ جنس ارزاں ہوئے ہیں ہم

نظم | میری محبت

میری محبت کوئلوں جیسی ہے

کہ جلتی بجھتی رہتی ہے

کبھی یہ گماں بھی ہوتا ہے

کہ کوئلہ بجھ چکا ہوگا

مگر پھر اچانک سے

ذرا سے ہوا کے جھونکے سے

سرخی دمکنے لگتی ہے

آگ بھڑکنے لگتی

پھر وہی حرارت ہوگی

ہھر وہی شرارت ہوگی

میری محبت اس ننھے بلب جیسی ہے

جو گھر کے باہر لان میں

مدتوں جلتا رہتا ہے

دن کو سورج کی روشنی میں

اوروں کی موجودگی میں

اسکی ہستی گم گم رہتی ہے

مگر جیسے ہی شام ڈھلتی ہے

آنگن میں اندھیرا ہوتا ہے

وہی ننھا منا بلب ہماری

راتیں روشن کرتا ہے۔۔۔

meri mohabbat ko'yalon jesi hai

ke jalti bujhti rehti hai

kabhi ye gumaan bhi hota hai

ke ko'yala bujh chuka hoga

magar phir achanak se

zara se hawa ke jhonkay se

surkhi damakney lagti hai

aag bharakney lagti hai

phir wohi hararat hogi

phir wohi shararat hogi

meri mohabbat uss nanhay bulb jesi hai

jo ghar ke bahir lawn mein

muddaton jalta rehta hai

din ko sooraj ki roshni mein

auron ki maujoodgi mein

uski hasti gum gum rehti hai

magar jese hi shaam dhalti hai

aangan mein andhera hota hai

wohi nanha munna bulb hamari

raaten roshan kerta hai

ہم تم نہ رہے ہوتے جو باہم ایسے

ہم   تم   نہ   رہے   ہوتے   جو   باہم   ایسے

بھلا  ہنس  کے  کیونکر سہہ لیتے ستم ایسے

درد ِ  دل  تو کیا ، وہ  دل ہی  نہیں رہا  جاناں

زود  اثر ، تیری  آنکھوں  کے ، مرہم  ایسے

چاندنی رات ،  ہلکی  بوندیں اور تمھارا ساتھ

ہمارے  نصیب  میں  کہاں  ہیں موسم  ایسے

مجبوریاں  ہی  ہونگیں  ترک ِ تعلق  کا سبب

کہنے  کو  تو ورنہ ، تم  ایسے  نہ  ہم ایسے

خلشِ دل بھی عنایت تمھاری رفاقتوں کی ہے

کیسے جھوم اٹھتی شعروں  پر یہ بزم  ایسے

hum tum na rahy hotey jo baham aese

bhala hans ke kyun ker seh lete sitam aese

dard-e-dil to kya, wo dil hi nahi raha jana'n

zood asr, teri aankhon ke marham, aese

chandni raat, halki bonden aur tumhara sath

hamare naseeb mein kahan hain mausam aese

majboorian hi hongi tarq-e-taluq ka sabab

kehne ko tu werna, tum aese na hum aese

khalish-e-dil bhi inayat tumhari rafaqaton ki hai

kese jhoom uthti she'ron per ye bazm aese

غزل | حیراں ہیں کلیاں ، گلستاں گم سم

حیراں    ہیں    کلیاں  ،  گلستاں    گم   سم
تحیر   میں  آزردہ  مکیں ،   مکاں  گم  سم
سراب  کی   آس  پہ   تشنہ  لب ہیں صحرا
موج ِ  سمندر  پہ  ساحل  کی  اذاں  گم  سم
لئے  ہاتھوں میں ہاتھ ،  کیسے  بدل جاتے
خاموش   ہیں   لب   ،  اور   بیاں  گم   سم
سحر  زدہ  ہیں  چپ چاپ سے کوہ و دمن
سر  پہ  ازل سے کھڑا  ہے سائباں گم سم
حیرتوں کی  تیرگی میں غرق ہیں ستارے
تشنگی  میں  گھومتی  ہے کہکشاں گم سم
حرمتِ  لفظ کے ، قریشی،  دشت میں مقیّد
تخیل کی زمیں گم  ، سوچ کا آسماں گم سم


Hairan hain kaliyan , gulistan gum sum
tahyyur mein azurda makeen, makan gum sum
sarab ki aas pe tashna lab hain sehra
mauj-e-samander pe sahil ki azan gum sum
liye hathon mein hath, kese badal jaty hain
khamosh hain lab, aur bayan gum sum
sehr zada hain chup chap se koh-o-daman
sar pe azal se kharra hai sayiban gum sum
hairaton ki teergi mein gharq hain sitaray
tishnagi mein ghoomti hai kehkashan gum sum
hurmat-e-lafz ke, qureshi, dasht mein muqayyad
takhayyul ki zameen gum, soch ka aasman gum sum

غزل | خواہشیں ہوئیں کیسے سب دھواں دھواں مت پوچھ

خواہشیں   ہوئیں   کیسے   سب   دھواں   دھواں   مت    پوچھ
اُٹھے   ہیں   رہ   رہ   کے   بہت   دل   میں  ارماں  مت پوچھ
یوں تو  دیکھی  ہیں  بہت  خم  و  ساغر  سی  بے تاب  آنکھیں
ہاں   مگر   ان   نیم   باز   نگاہوں   کی   کہکشاں  مت  پوچھ
ڈالی     ڈالی     کُوچ     اپنا  ،   اے    باغباں   تُو   دیکھ   ذرا
اُجڑا   ہے   کیوں   کر  سرِ   بہار    اپنا   آشیاں    مت  پوچھ
یوں  تو  مثل  ہے  حوصلہ اپنا ، مسکرا کے سب سنا دیں گے
تھم سکیں گے نہ  اشک تیرے ، شب غم کی داستاں مت پوچھ
سانس  لیتے  ہیں  ،  ہونٹوں  پر  اب  تلک  ہے  مسکان  باقی
دھڑکنیں اپنی  مگر  ، چلتی ہیں کیسے ،  یہ مہرباں مت پوچھ
دور تھا جام کا ، سرِ محفل قریشی، یادوں کی تھی بارات مگر
جھوم  اُٹھی  اپنے  شعروں  پہ  کیسے  بزمِ عاشقاں مت پوچھ



Khuwahishen huin kese sab dhuwan dhuwan mat pooch
uthhay hain reh reh ke bohat dil mein armaan mat pooch
yun to dekhi hain bohat khum-o-saghar si beytab aankhen
haan magar unn neem baz nigahon ki kehkashan mat pooch
daali daali kooch apna, ae baghbaan tu dekh zara
ujjra hai kyun ker sar-e-bahar apna aashiyan mat pooch
yun to misl hai hosla apna, muskra ke sab suna den ge
thum na saken ge ashq tere, shab-e-ghum ki dastaan mat pooch
saans letay hain, honton per ab talak muskaan hai baqi
dharkane' apni magar, chalti hain kese, ye mehrbaan mat pooch
daur tha jaam ka, sar-e-mehfil qureshi, yaadon ki thi barat magar
jhoom uthhi apne she'ron pe kese bazm-e-aashiqan mat pooch

غزل | دل کا جو دل سے ہے سلسلہ عجیب سا

دل  کا  جو  دل  سے  ہے سلسلہ عجیب  سا

بخشا  اس  نے  ہم  کو  حوصلہ  عجیب  سا

نہ  تم  نے  کچھ کہا ، نہ اک حرف  ہم بولے

مختصر  مگر  جامع ،  وہ مکالمہ عجیب سا

نہ   ساتھ   چلنا  ہے ،  نہ  راستہ   بدلنا  ہے

میرے  راہبر  کا  اب  یہ  فیصلہ  عجیب سا

جلوہ گرہے سامنے مگر  دسترس سے دور

مٹ  سکا  نہ آج  تک  یہ  فاصلہ عجیب سا

dil ka jo dil se hai silsila ajeeb sa

bakhsha iss ne hum ko hosla ajeeb sa

na tum ne kuch kaha, na ik harf hum bolay

mukhtasir magar jama'y wo mukalma ajeeb sa

na sath chalna hai na rasta badalna hai

mere rahbar ka ab ye faisla ajeeb sa

jalwa gar hai samne magar dastaras se duur

mitt saka na aaj tak ye faasla ajeeb sa

غزل | ہم اہلِ خرد کی یوں بھی جنوں سے نسبت نہیں ملتی

ہم اہلِ خرد کی یوں بھی جنوں سے نسبت نہیں ملتی

کبھی ستارے نہیں ملتے ،  کبھی  قسمت  نہیں ملتی
تمنا   روز  کرتے  ہیں  تم  سے  مل ہی جا نے کی 

کبھی   رستہ  نہیں   ملتا  ،  کبھی اجازت نہیں ملتی
زیرِ غور  ابھی  تک  ہے ، معاملہ ترکِ مراسم  کا

کیا   کریں ، تیری  یاد  ہی  سے فرصت نہیں ملتی

اچھا  ہے  فیصلہ عداوت سے بدلنے کا ،  یوں بھی

محبت   کے   بدلے جہاں میں ،  محبت   نہیں  ملتی

اُسکے کمال  ہونے  میں  شک ہی   کیسا    دوستو

اُسکی  مجھ   سے   کوئی  بھی  عادت   نہیں  ملتی

سخن  وری  کمالِ  فن سہی،  لیکن ہنر نہیں قریشی

شاعری  سے  داد  تو ملتی  ہے  ، دولت  نہیں ملتی

ابرار قریشی

غزل | سب لٹا کر بھی دل میں جو سکوں ہے

سب  لٹا  کر بھی  دل  میں جو  سکوں ہے

سحر انگیریَ حسن کہ محبت کا فسوں ہے

کسے سمجھا وَں ، اس معرکہ دل میں یارو

اک طرف ہے خرد اور مقابل پہ جنوں ہے

چھین       کر     مسکان      میری     اب

وہ     کہتے    ہیں    فسردہ   کیوں     ہے

دیکھو   تو  کیا   ہے   بلا  کا  قیامت  خیز

کہنے    کو   فقط   اک   قطرہَ   خوں   ہے

سکھلا   دےَ  عشق   نے  آداب  تسلیم  آخر

گےَ  دن  ہر  بات  پہ  کہہ  دینا کہ یوں ہے

غزل | ہمیں خیال فقط، سکوت شب کا تھا

کہہ  تو  دیتے ، مدعا  جو  لب  کا تھا

ہمیں  خیال  فقط، سکوت  شب  کا تھا

جب بھی سوال کیا ، بے مراد  ہی پلٹا

قصور شاید میرے دست  طلب کا تھا

بہت دیر سے آےَ،احسان وفا جتلانے

اس  کرم  کا  تو ، انتظار  کب کا  تھا

کیوں گلہ  کریں  اس کی کم نگاہی کا

زمانہ ازل سے ہی اپنے مطلب کا تھا

ابھی  جو نکھرا ہے قرطاس غزل  پر

دل  میں  نجانے  یہ غبار  کب کا  تھا

تمہی لاےَ ہو کفر و الحاد کے فتو ے

میں تو سیدھا  سا  بندہ ، رب  کا  تھا

                                                                                                                 ابرار قریشی  

Pyar tumhi se krte hain

|Nazm| Nai Subh

غزل| خُم و ساغر سے نہ بادہ و پیمانے سے

خُم  و ساغر سے نہ بادہ  و پیمانے سے

محفلِ تو سجتی ہے یار کے آ جانے سے

عقیدت ہے یا مجبوری، بات کوئی بھی ہو

تیرا ذکر آ ہی  جاتا ہے کِسی  بہانے سے

سمجھ سے با لاتر ہے یہ ماجرا محبت کا

گرہیں اور بھی لگتی ہیں ، سُلجھانے سے

انہی لوگوں  میں  رہتا  ہے  روز  و  شب

پھر  بھی  کتنا  جدا  لگتا ہے  زمانے سے

کتنی   ہی  اُونچی  کیوں  نہ   کر لے  اُڑان

پنچھی  کبھی غافل  نہیں ہوتا آشیانے  سے

                                        

                                                 ابرار قریشی          

غزل | رات یوں رُخسار پہ تیری یاد کے آنسو مہکے

رات  یوں  رُخسار  پہ  تیری  یاد  کے  آنسو مہکے

اندھیری  رات  میں  جیسے تنہا  کوئی جگنو مہکے

پاکیزہ  چاندنی  سے کیسے مُعطر  ہورہی ہے فضا

تیرے  پہلو کی خوشبو سے جیسے میرا پہلو مہکے

تیز  ہوا   یوں   پتوں  سے  ٹکرا  کے  گزرتی  ہے

اک لمبی خامشی کے بعد جیسے تیری گفتگو مہکے

میں  اور  اک  غزل  لکھ  رہا  ہوں  تیرے  نام سے

تیرے  خیال  سے  میرے  وجدان  کی  آرذو مہکے

اک  بار  یوں  رکھ  دے میرے سینے  پہ  اپنا  ہاتھ

چاک گریباں رہے  نہ رہے تمام عمر یہ رفُو مہکے

               ابرار قریشی

غزل | پُرانے تعلق کو نئے رابطوں کی حاجت ہوئی

پُرانے   تعلق   کو    نئے   رابطوں   کی   حاجت   ہوئی

دل   کو    پھر   تیری   دھڑکنوں   کی   ضرورت  ہوئی

میرے  دن   ہوئے  تیرے چہرے  کی  ضو  سے  روشن

نیند   تو    جیسے    تیرے   خوابوں   کی   امانت   ہوئی

وہ   پت  جھڑ  تھا  ،  نہ   ہی   پھول   کھلنے   کا   موسم

عام سے لمحے کی بہت خاص گھڑی تھی کہ محبت ہوئی

کبھی  تو  ہوا  وصال  لمحوں  میں  بھی   فرُقتوں کا خیال

کبھی   فاصلوں   میں   بھی   وصل    سی   راحت  ہوئی                                                                            

                                                                                 

                                                                                  ابرار قریشی     

غزل | چارہ گرو میری زندگی کس رنگ میں ڈھلتی جارہی ہے

چارہ  گرو  میری  زندگی  کِس  رنگ  میں  ڈھلتی جا رہی ہے
میرا  غم   غلط   ہو رہا   ہے  کہ   اُداسی  سُلگتی  جا رہی  ہے
دل     کی    ویرانیوں    سے     کہو    خاطر    جمع    رکھیں ،
یونہی   خامشی  میرے  بام  و  در  پہ  بھی  اُترتی جا رہی ہے
اے   مُحبت ِ   ناکام  ،  میرے   ہاتھ   کی   ریکھاوَں  میں  اک ،
ریکھا  ،  کُچھ    زندگی   سے  آگے  تلک  چلتی  جا رہی  ہے
دُور  ہو  کہ  دل  میں بسنے والے ، غم  کا  سبب  بننے  والے
تیری یاد کا غم، تُجھے بُھول جا نےکی خوشی بنتی جارہی ہے
میں  اک   چراغ ِ  الم   ہوں  اور   قربت ِ  ہوا   کا   شوق   ہے
وائے حسرتا، یونہی شوق میں زندگی، جلتی بُجھتی جارہی ہے
تیری یادوں سے گریزاں تیرے خیالوں میں لرزاں جانِ قریشی
کٹ رہی ہے زندگی یوں کہ جیسے قید کوئی گھٹتی جارہی ہے
                       
                                                                ابرار قریشی

اشعار | قربت کی تیری وحشتوں نے اجاڑا میرے آشیانے کو

قربت  کی تیری وحشتوں نے اُجاڑا  میر ے آشیانے کو

ڈر ایسا تیری جفا نے ڈالا، ترس گئے ہم ہاتھ ملانے کو

بھرے  شہ ر میں کوئی آشنا  ہی نہیں ، اور اس پر بھی

ہمی کو ٹھہرایا مجرمِ تنہائی، جانے کیا ہوگیا زمانے کو

|Nazm| Ab agr woh mil bhi gaya to kya hoga

غزل | خانہء دل میں یاد ِ ماضی کے خزانے جاگے

خانہء دل  میں  یاد ِ ماضی  کے خزانے جاگے
پھر  تیری   یاد   آئی   پھر  درد  پُرانے  جاگے
خوابیدہ تھے  کب   سے گلستاں ہاےَ  خیال میں
اک  تیرے غم سے کتنے غم کے بہانے جاگے
جواں      پھر       ہوئی      رُت     بہار    کی
دل   میں   پھر   گزرے  ہوےَ   زمانے  جاگے
مچلنے لگی  وہی پہلی  سی  قربتوں کی خواہش
پہلو   میں  پھر  بچھڑے  ہوےَ  یارانے  جاگے
راز کی طرح جو سینہ ہاےَ جہاں میں دفن تھے
آج  پھر سے تیرے  میرے  وہ  فسانے  جاگے

|Asha'r| silsila ajeeb hai, idhar ka hai na udhar ka

غزل | کبھی اے کاش میں یہ معجزہ ِ ہُنر دیکھوں

 کبھی  ، اے    کاش ،  میں  یہ  معجزہ ِ  ہُنر  دیکھوں

تیرے   مزاج   پہ    اپنے    لہجے  کا  اثر   دیکھوں   

 ترک ِ خواہش  ہی  ہوئی  تکمیل ِ حسرت نہیں دیکھی

خواہش  ہے کہ عُمر تیرے ساتھ کرکے بسر دیکھوں

تلخ  یادیں  ہیں ، تشنہ  کامی  ہے ، حسرتیں ہیں مگر

جنوں  کہتا  ہے  کہ  عمرِ رفتہ  کو  بارِ  دگر دیکھوں

تجھ  کو  زمانے  کی  فکر  بھی ،  انجام کا خوف بھی

میں  یہ  کہتا   ہوں ، جو  کرنا  ہے  بس  کر  دیکھوں

تنہا  ہوں ،  تو  گھر  میں   بھی   صحرا  سی  وحشت

تُو   ہم  سفر جو  ہو ،  تو صحرا کو بھی گھر دیکھوں

غزل | گر عشق ہے تو پھر بہانے کیسے

تم تو  اپنے  تھے ، ہوئے بیگانے کیسے
ذرا  سی بات کے بن گئے فسانے کیسے
ابھی سنبھلا ہی نہیں تھا کہ پھر اسیر ہوا
چشمِ  یار ،  بیٹھے تیرے  نشانے کیسے
نبھانا  تو کیا ، اب وعدہ  ہی نہیں  کرتے
بارِ  خدایا  ،آگئے ہم پر یہ زمانے کیسے
ایسا   بھی   نہیں   کہ    ہم   بھول   گئے
تم   یاد   ہی   نہیں  آئے ،  نجانے کیسے
کہہ    دین ے   میں    قباحت   کیا   ہے؟
گر   عشق   ہے   تو   پھر بہانے کیسے

غزل | ہم نے مانا وہ حُسن و غنا کا پیکر لیکن

ہم    نے   مانا  وہ   حُسن  و  غنا   کا   پیکر   لیکن
ہم رونق افروز نہ ہوں ، پہلوئے جانانہ کدھر جائیگا
یہ محفل نہ رہی، کہیں اور سہی، محفل تو جمے گی
بادہ کش ہی جو نہ ہونگے تو مے خانہ کدھر جائیگا
ابھی رات جواں ہے، ابھی سے نہ بجھاوَ شمعوں کو
شمع   جو   بجھا   دی   تو    پروانہ   کدھر  جائیگا
بس   یہی  کام   ہے  زمانے  کو  زمانے  بھر  میں
ہماری  باتیں  گر  نہ ہونگیں  تو زمانہ کدھر جائیگا
مجھ   کو   یہی    لگتا   ہے   بے   رُخی   کا  سبب
نظروں   سے   جو   پلا دی  تو پیمانہ کدھر جائیگا
خدا    رکھے   سلامت ،  نا   خدا   کا   شوقِ   سفر
یہ   مشغلہ   بھی   نہ  رہا  تو  دیوانہ  کدھر جائیگا
چل   رہا   ہونہی  چلنے   دو   کاروبارِ  ہستی  کو
بات  نکلی   تو  شیخ  جی  کا  آستانہ  کدھر جائیگا

غزل | اسیری میں مر جانے دے ، قید سے اب آزاد نہ کر

اسیری  میں  مر  جانے  دے ، قید  سے  اب  آزاد  نہ  کر
تجھے   واسطہ  میری تباہی کا یہ ظلم میرے صیاد نہ کر
نہ   کر   توہینِ   محبت ، یوں  وفا  کی  گواہی  مانگ  کر
مجھے بھول چکی  ہے دنیا ، اب تو بھی مجھے یاد نہ کر
بات  تیری  انا   کی  تھی  ،  میں  تو  یوں  بھی  چپ  تھا
ہونا  تھا  جو ،  ہو بھی  چکا ، رو رو کہ اب فریاد نہ کر
کھیل  نصیبوں  کا  دیکھ  لیا ، میں نے تنہا رہنا سیکھ لیا
فقط  اپنی  محبت  کی  خاطر ، میری جستجو برباد نہ کر
تجھے چھوڑ جانے کی عادت ، مجھے تنہائیوں کا خوف
اس خالی کمرے کو اے دوست میرے پھر سے آباد نہ کر