Friday, March 15, 2013

غزل | تمام شب غیر کے پہلو میں گزار کے

تمام  شب  غیر  کے  پہلو  میں  گزار  کے
اب  یاد  آئے  ہیں  انہیں  وعدے  پیار  کے
وہ  دوستوں  نے  کئے  ہیں  کرم  کہ کوئی
کس  منہ  سے  شکوے  کرے  اغیار  کے
سب  لٹا   کر عشق  کی  غارت  گری  میں
اب   کھلے ہم  پہ جوہر اس  جفا  کار  کے
  بام  و  در  پہ  مسلسل  اترتی  رہی  خزاں
اور  تم   کرتے  رہے   چرچے  پہار  کے
تمھاری رہگزر پہ ہی تمام ہوئی عمرِ رواں
بلاتے ہی رہے ہمیں رستے کوچہِ دار کے
حرفِ تسلی پہ بھی طعنوں کا گماں ہوتا ہے
حوصلے کوئی دیکھے  میرے غمخوار کے

tamam shab ghair kay pehlu mein guzar kay
ab yaad aye hain unhen waday pyar kay
wo doston ne kiye hain karam ke koi
kiss munh se shikway kare aghyaar kay
sab lutta ker ishq ki gharat gari mein
ab khulay hum pe johar uss jafa-kaar kay
baam-o-dar pe musalsal utarti rahi khizaan
aur tum kartey rahey charchay bahar kay
tumhari rah guzar pe hi tamam hui umr-e-rawan
bulatey hi rahe humen rastey koocha-e-daar kay
harf-e-tassali pe bhi ta'anoo ka gumaan hota hai
hos'lay koi dekhay meray gham-khuwar kay

Tuesday, March 5, 2013

بلا عنوان


سردیوں کی طویل راتوں میں
بے ربط گفتگو تا وقتِ سحر
خامشی کے سلسلوں میں کہیں
تمھاری سرگوشیوں کی لہر
بے نام آنسوؤں کے سیلِ رواں میں
سسکیوں کا موہوم سا وقفہ
مجھے اب تلک یاد ہے وہ،
 آغازِ محبت کا پہلا مرحلہ
نہ جھگڑا خرد و جنوں کا
وفا جفا کے وعدے نہ قسمیں کوئی
سیدھی سی تھی سانسوں کی ڈور
اک دوسرے سے لپٹی ہوئی
لمحوں کی جو بات تھی وہ
سالوں میں ڈھلتی رہی بڑھتی رہی
باتوں سے جو بات نکلی تھی وہ
 سانسوں کی صورت چلتی رہی
نجانے کہاں سے آیا اچانک
پھر موسم تغافل کا، رنجشوں کا
کوئی اجنبی سا بادل جو لے کر آیا
نہ ٹوٹا پھر زور بارشوں کا
وہ جل تھل ہوا کہ الاماں
سالوں کی محنت سے جو تھا بنا
اک آن میں اجڑا
اپنے خوابوں کا آشیاں
اب، تنہائی کی طویل راتوں میں
رت جگے ہیں الجھنیں ہیں تا وقتِ سحر
خامشی کے سلسلوں میں گونجتی ہے
تمھاری سرگوشیوں کی موہوم لہر