Tuesday, February 12, 2013

فرض کرو

فرض کرو ہم کبھی نہ ملے ہوتے
دریدہ دل کے دامن میں اب جو ہیں
کبھی وہ پھول نہ کھلے ہوتے
کار ہائے دنیا سے جو ملے ہم کو
وہ چاک تمھاری رفاقتوں سے نہ سلے ہوتے
!فرض کرو ہم کبھی نہ ملے ہوتے
تو آج اس حسیں موڑ پر اجنبی جیسے
مل بیٹھتے اور اک نیا آغاز کرتے
تم اپنی مسکراہٹ سے چھیڑتی راگنی
ہم دل کو مدعا، دھڑکنوں کو آواز کرتے
فرض کرو ہم کبھی نہ ملے ہوتے
تم اپنی دنیا میں گم سم 
الگ سے خواب بنا کرتی
ہم اپنے خیالوں میں گنگناتے
کوئی دور ہمیں سنا کرتی
!فرض کرو ہم کبھی نہ ملے ہوتے
دریدہ دل کے دامن میں اب جو ہیں
کبھی وہ پھول نہ کھلے ہوتے
تو اب جو ملال گزرے دنوں کا ہے
وہ کسی اور شخص سے منسوب ہوتا
ہم تم اجنبی ہی رہتے جو عمر بھر
تو سوچو کتنا خوب ہوتا
نہ چاہتیں ہوتیں، نہ رنجشیں بنتیں
آرذویں جو دل میں دبی رہتیں
ایسے نہ آنکھوں کی بارشیں بنتیں
نہ تمھیں کچھ ہماری خبرہوتی
نہ ہمیں کوئی تمھاری فکر ہوتی
نہ جھگڑے وفا جفا کے ہوتے
نہ ہی کوئی ہجر و وصال کے سلسلے ہوتے
!فرض کرو ہم کبھی نہ ملے ہوتے

farz kro hum kabhi na milay hotay
dareeda dil ke daman mein ab jo hain
kabhi woh phool na khilay hotay
kaar haye dunia se jo milay hum ko
wo chak tumhari rafaqaton se na silay hotay
farz kro hum kabhi na milay hotay
to aaj iss haseen morr pe ajnabi jese
mil beth-tey aur ik naya aghaz kertay
tum apni muskarahat se cherti raagni
hum dil ko muda'a dharkanoo ko awaz krte
farz kro hum kabhi na milay hotay
tum apni duniya mien gum summ
alag se khuwab buna kerti
hum apne khayalon mein gungunaty
koi dur humen suna kerti
farz kro hum kabhi na milay hotay
dareeda dil ke daman mein ab jo hain
kabhi woh phool na khilay hotay
to ab jo dil mein malal hai guzray dinoo ka
wo kisi aur shakhs se mansoob hota
hum tum ajnabi hi rehtay jo umr bhar
to socho kitna khoob hota
na chahten hoti'n, na ranjishe'n banti'n
arzue'n jo dil mein dabi rehti'n
na aese ankhon ki barishen banti'n
na tumhe hamari kuch khabar hoti
na humen koi tumhari fiqr hoti
na jhagray wafa jafa ke hotay
na koi hijr o wisal ke silsilay hotay
farz kro hum kabhi na milay hotay!