عشق ہو یا شاعری، مجھے پابندی اچھی نہیں لگتی

محبت عجب تماشا ہے کہ ایک شخص کے سبب سے

دُکھ بھی بھلا لگتا ہے اورکبھی خوشی اچھی نہیں لگتی

دیکھ لے یار عشق میں کوئی بیچ کا رستہ نکال لے

خوش مزاج آدمی ہوں مجھ پہ اداسی اچھی نہیں لگتی

تمھیں گلہ ہے میں تمھارے حسن کا اسیر نہیں، بھلا

کون کافر ہے جس کو تیری ہنسی اچھی نہیں لگتی

ادائیں دکھانا بھی ٹھیک ہے روٹھنا منانا بھی ٹھیک ہے

مجھے سے منہ نہ بنایا کرو، بے رخی اچھی نہیں لگتی

مجھ سے کہتے ہیں تیرے شعروں میں ربط نہیں، سنو

عشق ہو یا شاعری، مجھے پابندی اچھی نہیں لگتی

میں اسی شوق میں جلتا جاؤں

پرانے  خیال  کا  آدمی   ہوں  مجھے

اس قدر میسر نہ  ہو کہ  گھبرا جاؤں

تُو چاند دیکھنے کیلئے چھت  پر جا 

اور  میں  تجھے  دیکھنے   آ  جاؤں

پروانوں  کی  طرح  میرے  قریب  آ

میں  شمع   کی  طرح  پگھلتا  جاؤں

اس  نے   کہا  تھا  راکھ  اُڑائے  گا 

میں   اسی   شوق  میں  جلتا   جاؤں

محبت     دھوکا     ہے    تو ،   میں

اس    کے   نام    پہ    کھاتا   جاؤں

وہ ہم سے بچھڑ گیا اور ہوا کچھ بھی نہیں

کون  ہوتے  ہیں  جو  ہجر  میں  مر جاتے ہیں

وہ ہم سے بچھڑ  گیا  اور ہوا  کچھ  بھی  نہیں

میں   نے  اس   سے  پوچھا  محبت   کیا  ہے

مسکرایا،  نظریں چرا کہ بولا  کچھ بھی نہیں 

سنا      تھا     الفت     میں      راحت     ہے 

ہمیں  تو درد  کے  سوا  ملا  کچھ  بھی   نہیں

آ   دیکھ    اب    بھی    تیرے    انتظار   میں 

میرا وجود آنکھوں  کے سوا  کچھ  بھی  نہیں 

 تیرے دھیان کی آس میں خواب یوں جلے ہیں 

اب   راکھ    کے  سوا  بچا   کچھ    بھی  نہیں

زندگی کیا ہے بجز ان کہی باتوں کا دُکھ

ٹوٹے سلسلوں کا، منقطع رابطوں کا دُکھ

زندگی کیا ہے بجز ان کہی باتوں کا دُکھ

یہ لفظ میری خامشی کا نوحہ ہیں

ہائے  وہ عہد گزشتہ وہ خودفریبیوں کا دُکھ

 نا ملنا بچھڑنے سے بہتر ہے

بہت جانگسل ہے بچھڑے ہوؤں کا دُکھ

سبھی جانتے ہیں جھرنے کا اضطراب

کوئی نہیں سمجھتا لیکن سمندروں کا دُکھ

موجود تو ہے وہ لیکن میسر نہیں

عجیب منفرد ہے قربتوں  کا دُکھ

مسکراہٹ کو کیا خبر ہونٹوں کے کرب کی

آنسو کب جانتے ہیں آنکھوں کا دُکھ

شہر میں وبا پُھوٹی ہے لوگ مر رہے ہیں

اور ہمیں کھائے جارہا ہے زندوں کا دُکھ

دوا کی تاثیر گئی، کارِ مسیحائی بھی گیا

تبسمِ مجلس بھی گیا، گریہ تنہائی بھی گیا تم کیا گئے کہ سودائے ہمنوائی بھی گیا اتنی مدت بعد ملا اور اس تکلف سے تعلق تو رہا نہیں ، زعمِ شناسائی بھی گیا وہ گیا، اسکا جانا مقدر تھا مگر اس کے ساتھ رونقِ محفل بھی گئی، ذوقِ چمن آرائی بھی گیا اک ذرا فرصتِ گناہ ملی اور بہک گئے ریاضتِ عمری گئی، زعمِ پارسائی بھی گیا مبتلا جو ہوا مسیحا مرضِ خود نمائی میں دوا کی تاثیر گئی، کارِ مسیحائی بھی گیا

خود کی تلاش میں نکلے تھے دوستوں کے ساتھ

منزلیں پھر بدلتی رہیں راستوں کے ساتھ

یاد وہ آتا ہے مجھ کو مکمل حوالوں کے ساتھ

مٹی کی خوشبو جیسے بارشوں کے ساتھ

کہانی محبت کی بس اتنی سی ہے

وہ بھی بدلتا رہا موسموں کے ساتھ

رات باقی تھی مگر چاند سوگیا تھک کر

جاگتا ہوا میری خواہشوں کے ساتھ

کارِ دنیا میں سب فراموش ہوگیا آخر

غمِ جاناں بھی رکھا تھا طاق ہر کتابوں کیساتھ

طفل تسلیوں سے دل بہل رہا ہے

طفل   تسلیوں    سے   دل    بہل   رہا    ہے

آج    کل    سب     ٹھیک    چل    رہا    ہے

پرائے     گھر     جو    لگائی     تھی    کل

آج   اسی  آگ  سے  اپنا  گھر  جل  رہا  ہے

واقعہ   جان  کر  فراموش  کر  رہے  جسے

سانحہ ہے زمانے کی کھوکھ میں پل رہا ہے

نا   ٹھیک    بھی   ٹھیک    لگنے   لگا   ہے

وقت      یقیناً          بدل         رہا        ہے

اس   مہارت   سے   کیا   ہے خود  کو برباد

دشمنِ   جاں    بھی    ہاتھ    مل    رہا    ہے