غزل | دل وہیں لگا قسمت جہاں نہ تھی

خاک نہ تھی ہستی ، جُز تیرے شایاں نہ تھی

ہائے  دل  وہیں  لگا  ،  قسمت  جہاں نہ  تھی

خدشوں کے بیچ ہی رہی خواہشِ اظہار  کہیں

میرے  واہمے کا دل  تو تھا ، زباں  نہ  تھی

نہ کرسکی میری آہِ دل نوازبھی تیرا دل گداز

شاید  میری   فغاں  میں  خوبئ  بیاں  نہ  تھی

تمام عمر رفاقت کو محبت سمجھتے رہے  ہم

آخرش یہ کھلا وہ حقیقتِ جاں تہِ داماں نہ تھی

زندگی خواب تھی، سو خواب سہارے گزری

آنکھ جب کھلی، معلوم ہوا راحتِ  جاں نہ تھی

صلہ  یوں دیا  اہلِ  چمن نے جستجو کا میری

گلشن وہیں رہا فقط میری شاخِ آشیاں  نہ تھی

غارتِ سفر ہوئی ، اس راہگزر پر تمام  عمر 

اب  سوچتا ہوں راہ  میں منزل  کہاں  نہ تھی

khak na thi hasti, juz tere shayan na thi

haye dil wahin laga, qismat jahan na thi

khadshon ke beech rahi, khwahish e izhar kahin

mere wahimay ka dil to tha, zuban na thi

na ker saki meri aah-e-dil nawaz bhi tera dil gudaz

shayad meri fughan mein khoobi-e-bayan na thi

tamam umr rafaqat ko mohababt samajhty rahay hum

aakhrish ye khula wo haqeeqat-e-jaan tah-e-daman na thi

zindagi khawab thi, so khwab sahary guzri

aankh jab khul, maloom hua, rahat-e-jaan na thi

sila yun dia ehle chamman ne justaju ka meri

gulshan wahin raha, faqat meri shakh-e-aashiyan na thi

gharat e safa hui, uss rah guzar per tamam umr

ab sochta hun raah mein manzil kahan na thi